كلمات الشاعرة/ صالحة عمير
الله أكبر يومًا بالهمة بدينا
البداية قصة أمجاد وطموح
يا سنام المجد من ماضي السنينا
علموا الأجيال للماضي تروح
أشهد أن أمجادنا عنها قرينا
لا تعلوينا على متن السفوح
يوم قال محمد بن سعود جينا
انهضي يا دار والبارق يلوح
لو كتبت الشعر لبلادي وفينا
نكتبه لأهل الدعايم والفتوح
عيدي يا مملكة مجدٍ يقينا
في زواياك الحكي جزلٍ يبوح
والملك سلمان والرأي المبينا
دولة عظمى وهاماتٍ وروح
قالها محمد بن سلمان فينا
نشبه طويق ومبادينا صروح
السعودي همته حصن متينا
السعودي خيل هقواته جموح
الجريح اللي على باله طرينا
نسي يومًا جاه بالشدة جروح
كم حمينا واحتمينا باليمينا
من صلاة بواقد القيض اللفوح
نسقي الظميان عذبٍ من يدينا
لين يشرق له من الآفاق ضوح
